గీథ్ : ఈ పుడమి నా తల్లి నేనామె పుత్రుడను

Download

ఈ పుడమి నా తల్లి నేనామె పుత్రుడను

నా తల్లి వైభవము ఎలుగెత్తి చాటెదను

నా ధర్మ జ్యోతి నల్వైపులా చూపెదను ||

ఉత్తుంగ హిమశృంగ ఔన్నత్యమది నాది

హిందు సంద్రమె నాదు గాంభీర్య చిహ్నంబు

పావన జాహ్నవీ సమమె నా జీవితము

ఈ నేల అణువణువు తెలుపు నా సచ్చరిత ||

సేతువు హిమగిరియు ఒక్కటె నాకెపుడు

ముక్కోటి దేవతలు మోక్ష ప్రదాతలే

ప్రతి హైందవుడు నాదు సోదరుడె సోదరుడె

జాతి మనుగడ కొరకె జీవితమునర్పింతు ||

భావ దాస్యము నాకు ఏ కోశమున లేదు

ప్రతి రక్త నాళమున ప్రవహించు శౌర్యమె

అపజయా శంక నా సాంప్రదాయమే కాదు

వెనుకంజయే లేదు విజయమే నా సొత్తు ||