మంచిర్యాల: స్వాభిమాన సహిత సమాజ నిర్మాణం సంఘం లక్ష్యం : RSS బాల శిభిరం ముగింపులో ఎక్కా చంద్రశేఖర్

మంచిర్యాల, 10/01/2014 : రాష్ట్రీయ స్వయంసేవక్ సంఘ్ మంచిర్యాల జిల్లా ఆధ్వర్యంలో మంచిర్యాల పట్టణం లో నిర్వహించిన బాల శిభిరం ముగింపు (సామరొహ్) ఉత్సవం శుక్రవారం సాయంత్రం జరిగింది, గత మూడు రోజుల నుండి జరిగిన ఈ శిభిరం లో దాదాపు 125 గ్రామాల నుండి  1,100 పైగా బాల స్వయం సేవకులు (14 సంవత్సరాల కంటే తక్కువ ఉన్నవారు) పాల్గొన్నారు.

మార్గదర్శనం శ్రీ ఎక్కా చంద్రశేఖర్ ప్రాంత కార్యవాహ  

కార్యక్రమ సమారోహ (ముగింపు) ఉత్సవానికి ముఖ్య వక్తగా హాజరైన మాన్య శ్రీ ఎక్కా చంద్రశేఖర్ RSS ప్రాంత కార్యవాహ(ప్రధాన కార్యదర్శి) మార్గదర్శనం చేస్తూ' దేశ పునర్నిర్మాణం లో భాగస్వాములు కండి, నిజమైన దేశ భక్తీ కలిగిన పౌరులుగా ఎదగండి, దేశ భవిష్యత్తు బాలల చేతులలో ఉంది, అవినీతి రహిత  , స్వాభిమాన సహిత సమాజ నిర్మాణం కోసం రాష్ట్రీయ స్వయం సేవక్ సంఘ్ పనిచేస్తూ ఉంది, స్వామి వివేకానందుడు తన చిన్న తనం నుండే నిర్భీతిగా ఉన్నాడు కాబట్టి ప్రపంచం తనకి మోకరిల్లింది, మీరు నిర్భయలై సంఘటన కౌష్యల్యం, మేధా శక్తి, అనుశాననం లాంటి సామర్థ్యాలను అందుకోండి, తద్వారానే భారత్ సూపర్ పవర్ గా, విశ్వ గురువు గా విరసిల్లుతుంది.

శారీరిక ప్రదర్శనలు ఇస్తున్న బాల  స్వయంసేవకులు 

ఈ కార్యక్రమంలో శ్రీ జుగల్ కిషోర్ వ్యాస్ గారు , మల్లోజుల కిషన్ (విభాగ్ సంఘ చాలక్ కరినగరము), కల్వకుంట్ల విద్యా సాగర్ రావ్(విభాగ్ సహా సంఘ చాలక్  కరినగరము) , డా గరిమల్ల విద్యా సాగర్ రావు (జిల్లా సంఘ చాలక్ మంచిర్యాల), తదితరులు పాల్గొన్నారు .