శాంతిని సంకల్పించే శంఖారావం - VIjayaVipanchi

శాంతిని సంకల్పించే శంఖారావం
సురసీమను తలపించే సంఘీభావం
ఇదే ఇదే నవ భారత గీతాసారం
కాంచిన కాంచన స్వప్నపు సాక్షాత్కారం   || శాంతిని ||

దేశం ఏమిచ్చిందని దూషించుట దోషం
దేశానికి ఏమిస్తే తీరును ఋణ శేషం
బ్రతుకిచ్చిందెవరు మెతుకిచ్చిందెవరు
ఆకాంక్షలకాధారం చూపించిందెవరు   || శాంతిని ||

కాలి గోరు గాయ పడితే కంట నీరు తీరగదా
వేరు చివర చీడ పడితే చిగురు నేలకొరగదా
ప్రాంతం ఏదైనా భాషలు వేరైనా
దేశమంత ఒక్కటన్నదేహ స్పర్శ పోవునా   || శాంతిని ||

Powerd by Vijayavipanchi.org