రక్షలే కట్టుకుందాం - ఈ రోజు దీక్ష గైకొని సాగుదాం - Vijaya Vipanchi

రక్షలే కట్టుకుందాం - ఈ రోజు దీక్ష గైకొని సాగుదాం
దీక్ష గైకొని సాగుదాం - ఈ రోజు రక్షలే కట్టుకుందాం ||దీక్ష ||


మనము పుట్టిన గడ్డ మహనీయమైనదే
మునులు దేవతలనే మురిపించు తావిదే
మన శక్తి లేమిచే - జవ సత్వములు బాసి
దిన దినము కృశియించి కృంగి పోవుచునుండ ||దీక్ష ||


తన సుఖము కొరకొరుల హింసించు ప్రవృత్తి
తనివి తీరగ జనుల పీడించు దుర్వృత్తి
మనము మన వారనే మాట మరచుట చేత
స్వ సమాజ సంక్షేమ మణగారి పోతుండ ||దీక్ష ||


ప్రేమానురాగాలు పంచుకుందాము
గాడానుబంధాలు కూర్చు కుందాము
కలిమిలో లేమిలో కలకాల మిలలో
చెలిమి విడనాడమని చేయి ముందుకు చాచి ||దీక్ష ||

Powerd by Vijayavipanchi.org