గీథ్ : భరత జనని ఘన విభవము - భూ నభముల ప్రభవించగ

Click Here to Download

భరత జనని ఘన విభవము -  భూ నభముల ప్రభవించగ (2)

శుభ మంగళ జయ ఘోషల

గళము గళము కలుపుదాం - పదము పదము కదుపుదాం  (2)

రుద్ర రౌద్ర భద్ర హస్త ఢమరుక నాదమ్ముగా

శంభు శిఖా దిగ్భందిత గంగ ఝరీ భంగముగా

దక్ష యజ్ఞ ధ్వంస భూత భద్రుని హుంకారముగా (2)

ఫణవ నాద ధ్వంకారం దశదిశలా మ్రోగగా 

||గళము||

కురు రణ నిష్కర్మణాన్త  ఫల్గుణ కృత బాణముగా

జలది లంఘనోత్సాహిత హనుమ సింహ నాదముగా

ధర్మ రక్ష దీక్ష మాన్య పాంచజన్య రావముగా (2)

విజయ శంఖ స్వర నాదము వినువీధుల నినదించగ

||గళము||

రిపు గళ శోణిత శోభిత శివ ఖడ్గ ప్రహేళిగా

రుద్ర రాణి రణ విరచిత కరవాలపు హేలగా

వన జన సమరపు ప్రేరక రామరాజ ధనువుగా  (2)

ఆనక  తంకార ధ్వనులు లోకమంత వ్యాపించగ  

||గళము||